وصف المنتج

الكتاب ده معمول عشان يحسسك إنك مش لوحدك.

اتكتب عشان يقولك إنك طبيعي حتى في أكتر لحظاتك لخبطة.

عشان يفكرك إن التعب مش ضعف، وإن السكوت مش دايمًا قوة، وإن اللي جواك ده مش عيب.

يمكن وإنت بتقرا تحس إن في حد قعد قدامك وقال نفس الكلام اللي عمرك ما عرفت تقوله،

يمكن تضحك، ويمكن تزعل، ويمكن تقفل الكتاب وتقعد تبص في الحيطة شوية، وده كله عادي.

الكتاب ده للأولاد…

الناس اللي شبهي اللي بحسهم أنا.

للناس اللي بتمشي وهي شايلة زيادة عن اللزوم،

اللي بتضحك قدّام الناس وتسرح لوحدها،

اللي بتبان قوية وهي من جواها محتاجة تتطبطب.

لو حسّيت إن في صفحة شبهك، أو جملة لمستك، أو فكرة وجعتك شوية…

يبقى إنت في المكان الصح.

إنت مش لوحدك، أنا معاك وبحبك

چو موسي